பூரியும், ரவா தோசையும் பின்னே ஆயிரத்தில் ஒருவனும்

இடம்: சரவணபவன்

”என்ன சார் படம் பிடிக்கலையா?”

“படமா எடுத்திருக்கானுங்க ஆதவன். சுத்த வேஸ்ட்.” புரொபஸர் ரவி.

“சார் இது ஒரு பேண்டஸி பிலிம். புனைவு வேற. இதுல லாஜிக் எல்லாம் பார்க்காதீங்க. எடுத்த வரைக்கும் எனக்கு பிடிச்சிருக்கு. உங்களுக்கு கோபி?”

சிரித்தபடியே தலையாட்டினார் கோபி (ங்கொய்யால நேர்ல கூடவாய்யா ஸ்மைலி போடுவ? நல்ல வேளை ரிப்பீட்டு சொல்லல...)



“ஆதவன் நீங்க சொன்ன மாதிரி புனைவுங்கிறதுல லாஜிக் பார்க்கவேண்டாம் தான். ஆனா புனைவுக்குள்ள இருக்குற கதைக்குள்ளவே லாஜிக் இல்லாம இருந்தா எப்படி? பார்க்கிற எல்லாரையும் முட்டாளாக்கி எடுக்குறதுக்கு பேரு பேண்டஸி இல்ல ஆதவன். அதை புரிஞ்சுக்கங்க”

“புரியலையே சார். நீங்க வரலாற்று புரொபஸர்ன்றதால நிறைய லாஜிக் பார்க்குறீங்களோ என்னமோ?” நான்.

 ”இப்ப “லார்ட் ஆப் தி ரிங்ஸ்” படம் ஒரு புனைவு தான். அதை ஒத்துகிறீங்க இல்ல? (தலையாட்டினேன்). அதுல அந்த கதைக்கு அந்த மோதிரம் எவ்வளவு முக்கியத்துவம் வாய்ந்தது? சொல்லப்போனா அந்த கதையே அதை சுத்தி தான் நடக்குது. அதை வைத்திருக்கிறதனால எவ்வளவு நன்மை, பிரச்சனைன்னு தெளிவா காண்பிச்சு இருப்பாங்க இல்லையா?. அதே போல தான் இந்த கதைக்கும் அந்த சாமி சிலை முக்கியமானது. அதை நோக்கி தான் கதையே ஆரம்பமாகுது இல்லையா? அப்ப அதோட முக்கியத்துவத்தை சொல்லனும். வெறுமனே ஆயிரம் வருஷசமா அந்த சாமி சிலையை தேடி அலையறாங்கன்னு பொதுவா சொல்லும் போதே அந்த கதை வலு இழந்திடுது. இந்த ரகசியம் தெரிஞ்ச வெறும் எட்டு பேர் மட்டும் இப்ப இருக்காங்க, மேலும் சோழர்கள் உயிரோட இல்லை பின்ன அந்த சிலையை எடுக்க ஏன் இவ்வளவு பிராயத்தனபடனும்?” பூரியை முழுங்கியவாறே ஆங்கிலம் கலந்த தமிழில் விளக்கி கொண்டிருந்தார்.

“இப்பெல்லாம் வீட்டு சொத்து ஏதாவது ஒரு பத்து வருசம் கோர்ட்ல இருந்தாலே அடபோங்கடான்னு போயிட்டு இருங்காங்க இல்லையா... அப்ப அத்தனை வருசம் காத்திருக்கிற அதோட முக்கியத்துவத்தை சொல்லனும் இல்லையா? அதுவுமில்லாம கதையாசிரியன் நமக்கு எல்லா கதாபாத்திரத்தையும் விளக்க வேண்டாம். ஆனா அவன் மனசுகுள்ள ஒரு சின்ன கதாபாத்திரம் உருவாகும் போதே அந்த கதாபாத்திரத்தோட உருவம், குடும்பம், ஏன்.......குலம் கோத்திரம்னு எல்லாமே உருவகப்படுத்தி வச்சிருக்கனும். இதையெல்லாம் சொல்லனும்ற அவசியம் இல்ல.... ஆனா அப்ப தான் அந்த பாத்திரத்தை எழுத்தாவோ அல்லது காட்சியாவோ எடுக்கும் போது பார்வையாளனுக்கு தெளிவா காண்பிக்க முடியும். இதுல கதாசிரியனுக்கே பல கதாபாத்திரத்தோட குழப்பம் இருப்பது தெளிவா தெரியுது” பூரி முடிந்து ரவா தோசை வந்தது.

“சோழர்கள் குடியிருக்குற கிராமத்துல குஜராத் கோவில் எப்படி வந்தது?”

“என்ன குஜராத் கோவிலா? நான் பார்க்கலையே சார்” என்றேன்

“அது தான் டைரக்டர் செஞ்ச முட்டாள் தனம். அந்த செட் போட்டது குஜராத்ல லோத்தல்னு ஒரு இடம்னு நினைக்கிறேன். சரி செட் போட்டாங்களே அட்லீஸ் அந்த கோவிலை மறைக்க கூடவா தெரியல? இந்த மாதிரி டைரக்டர் சரியா உழைக்காம பார்வையாளனை முட்டாளாக்குற வேலை தான் இதுன்னேன். நடராஜர் நிழல் காட்சி நல்லாயிருக்கு. ஆனா அதுகூட வேற ஏதோ ஆங்கில படம். தூண் நிழல் மாதிரி வரும் சரியா ஞாபகம் இல்ல. இதைப்பார்த்து தான் பண்ணியிருப்பாருன்னு சொல்லல.... அவருக்கே கூட தோணியிருக்கலாம். இதையெல்லாம் விடு விட்டாசாலாச்சார்யா படத்துல கூட லாஜிக் கச்சிதமா இருக்கும். சாண்டில்யன் கதைகளை படிச்சாலே போதும். கொஞ்சமாவது உருப்படியா வந்திருக்கும்”

ஆஹா இவ்ளோ உன்னிப்பா கவனிச்சுருக்காரே! ரைட்டு........

“என்னப்பா யோசிக்கிற?”

“இல்ல சார் நாளைக்கு திரும்பவும் பார்க்கலாம்னு இருக்கேன். என் நண்பர்கள் சில பேர் கூட பார்க்கல. அவங்களோட போகலாம்னு இருக்கேன்”

பில்லை கொடுத்துவிட்டு கிளம்பினோம்.


மறுநாள் அதே சரவணபவன்...


”என்னடா மச்சி படம் புடிக்கலையா?”

“படமாடா எடுத்திருக்காங்க சுத்த வேஸ்ட் மச்சி.”  பேரர் வந்தான்.

“எனக்கு ஒரு செட்டு பூரி. அது முடியும் போது ஒரு ரவா தோசை எடுத்துட்டு வாங்க” என்றபடி ஐந்து பேரையும் பார்த்தேன்.

“எங்களுக்கு படம் பிடிச்சிருக்குடா மச்சி. மனுசன் எப்படி தான் இப்படி யோசிக்கிறான்னு தெரியல. சான்ஸே இல்லை” என்றான். அனைவரும் ஆமோதித்தனர்.

“மச்சி இது ஒரு புனைவு தான். ஆனாலும் புனைவுக்குள்ள இருக்குற கதையில லாஜிக் பார்க்கனும்ல?”

“என்னது பூனையா? அப்படின்னா?”

“ஓ உனக்கு புனைவுன்னா என்னென்னு தெரியாதோ?(சலித்து கொண்டேன்) அதாவது படத்தோட ஆரம்பத்துலேயே இந்த கதையில் வரும் அனைத்து சம்பங்களும் கற்பனையேன்னு சொன்னான்ல....அந்த கற்பனை தான் புனைவு”

“சரி அதுக்கென்ன இப்போ?”

“இல்லடா இப்ப “லார்ட் ஆப் தி ரிங்ஸ்” படம் பார்த்தயா...... நிறுத்தினேன்.(இன்னும் பூரி வரவில்லை)

“ஆமா...  அதுக்கென்ன சொல்லுடா?”

“இருடா பூரி வரட்டும்...(வந்தது)...அதுல அந்த கதைக்கு அந்த மோதிரம் எவ்வளவு முக்கியத்துவம் வாய்ந்தது? சொல்லப்போனா அந்த கதையே அதை சுத்தி தான் நடக்குது. அதை வைத்திருக்கிறதனால ....................................
.....................................................................................................................................................கதாபாத்திரத்தோட  குழப்பம் இருப்பது தெளிவா தெரியுது” பூரி முடிந்து ரவா தோசை வந்தது.

பெருமூச்சு விட்டனர் அனைவரும்

“சோழர்கள் குடியிருக்குற கிராமத்துல குஜராத் கோவில் எப்படி வந்தது?”.....................................................................................................
 ........................................................................................................................................................
விட்டாசாலாச்சார்யா படத்துல கூட லாஜிக் கச்சிதமா இருக்கும்” முடித்தேன்

”எப்படிடா இதெல்லாம் கவனிச்ச? எங்களுக்கு எதுவுமே தோணல...... அதுவும் குஜராத் கோவில், இங்கிலீஷ் படத்துல சீன்ஸ்னு எல்லாம் தெரிஞ்சிருக்கே”

சிரித்தேன். “ஆமா நீ என்ன யோசிக்கிற? படத்தை பத்தி என்ன டவுட்டு இருந்தாலும் என்கிட்ட கேளு. நான் சொல்றேன்.” என்றேன்

”இல்லடா மச்சி நாளைக்கு திரும்பவும் பார்க்கலாம்னு இருக்கேன். என் ஆபிஸ் ப்ரெண்ட்ஸ் சில பேர் கூட பார்க்கல. அவங்களோட போகலாம்னு இருக்கேன்” என்றான்.

பில்லை கொடுத்துவிட்டு கிளம்பினோம்.

நாளையும் பூரியும் ரவாதோசையும் யாராவது சாப்பிடலாம்.

கை எட்டும் தூரத்தில் ஆஸ்கார் - கேப்டனின் புதிய படம்

சட்டை பேண்ட் என எல்லாம் கிழிந்து விஜயகாந்த் ஆபிஸில் இருந்து வெளியே ஓடுகிறார் ஒரு இளைஞர்.

அப்படி ஒருத்தன் வெளிய ஓடியும் தைரியமா இன்னொருத்தன் உள்ளே போனான்.

கேப்டன் "வாங்க உட்காருங்க" அந்த இளைஞரும் உட்காருகிறார்.

"நீங்க என்ன மாதிரி கதை சொல்ல போறீங்க?"

"சார் இது ஒரு கிராமத்து காதல் , மற்றும் உணர்வுபூர்வமான கதை சார்"

"ம்ம் சொல்லுங்க"

"சின்ன வயசியிருந்து நீங்க கோவில் தான் வளருறீங்க. கோவில் வேலைகளை எல்லாம் பறந்து பறந்து செய்றீங்க. கோவில விட்டா உங்களுக்கு வேற உலகமே இல்ல.உங்க பேரு "கோவில் கிளி"

"என்னது கிளியா" கோபம் கலந்த ஆச்சர்யத்துடன் கேப்டன்

"ஆமா சார். அப்படி பட்ட உங்க வாழ்க்கையில ஒரு பொண்ணு உள்ள வர்ரா அவ பேரு "வெட்டு கிளி"

"ம்ம்ம்ம் அப்புறம்..." பேப்பர் வெயிட்டை கையில் எடுக்குறார் கேப்டன்.

"ஒரு கட்டத்தில வில்லன் வெட்டுகிளியை கெடுக்க வரும் போது வெட்டுகிளி அருவாமனையால ஒரே வெட்டா வெட்டிடுறா. அப்ப நீங்க வர்ரீங்க. உங்ககிட்ட வில்லன் பொணத்த பார்த்துக்க சொல்லிட்டு போலீஸ்கிட்ட போறேன்னு போறா வெட்டுகிளி. ஆனா போனவ போனவ தான். திரும்பி வரவே இல்ல. இரண்டு நாள் கழிச்சு பொணத்தோட நாத்தம் தாங்க முடியாம போலிஸ் வந்து உங்கபிடிச்சுபோயிடுது. சார் இந்த படத்தோட தலைப்பை கேளுங்களேன்"

கேப்டன் ஒன்றும் சொல்லாமல் நெற்றியில் கை வைத்து உட்கார்ந்து கொண்டிருக்கிறார்.

"சார் நீங்களாவது கேளுங்களேன்" கேப்டன் மச்சானிடம்....
"சார் நீங்க?" ஆபிஸ் பாயிடம்....

கேப்டன் பொறுமையிழந்து "டேய் சொல்லித்தொலடா..."

"எழவு காத்த கிளி" என்று முடிக்கும் போது...

கேப்டன் அவன் மூக்கில் ஒரு குத்து விட, அவன் இரத்தத்துடன் "சார் இந்த கதை பிடிக்கலன்னா "யானை பசிக்கு சோள பொறி"ன்னு இன்னொரு கதை இருக்கு அதுவேணா கேட்குறீங்களா?" என்ற போது..

வாயில் ஒரு குத்து...வாயில் இரத்தத்துடன் "சார் விடுங்க சார் நீங்க இல்லைன்னா வேற யாருமில்லையா என்ன? நான் சரத் சார்கிட்ட போறேன் "ஓட்டுல சோத்த போட்டா ஆயிரம் காக்கா" என்று முடிக்கும் முன் பேப்பர் வெயிட்டை கேப்டன் தூக்கி அடிக்க....அவனும் வெளியே ஓடி போகிறான்.

நெக்ஸ்ட்ட்ட்ட்ட்ட் என்று குரல் கொடுக்க அடுத்தது ஒருத்தர் வரார்.

"நீங்க??" கேப்டன்

"சார் நான் பேரரசு சாரோட அஸிஸ்டெண்ட் சார்"

"அட பரவாயில்லையே சொல்லுங்க என்ன கதை கொண்டு வந்திருக்கீங்க?"

"சார் சொல்றத அப்படியே இமேஜின் பண்ணி பார்த்துங்க சார்......

"பாருங்க சார் முதல்ல சார் சின்ன கவுண்டர் மாதிரி ஒரு ஓபனிங் சார்.... "கண்ணு பட போகுதய்யா"ன்னு எல்லாரும் பாடி ஆரத்தி எடுக்குறாங்க சார்..


ஆரத்தி


அங்கிருந்து அப்படியே கட் பண்ணா சார் நீங்க விமானத்தில போறீங்க சார்

விமானம்

அங்க சார் ஹாலிவுட் ரேஞ்சுக்கு ஒரு பைட்டு சார். ஆனா வில்லன் Hacksaw ப்ளேடால ப்ளைன்ன அறுத்துடுறான் சார்.. ஆனா சார் நீங்க சார் பைலட் இல்லாம சார் விமானத்தையே ஓட்டுறீங்க சார்.


விமானம்1

நீங்க சார் செத்துட்டதா நினைக்கிறாங்க சார் வில்லன் க்ரூப். ஆனா சார் நீங்க பாராசூட்ல ஆக்ரோஷமா தப்பிச்சு வர்ரீங்க சார்..


பாராசூட்

நீங்க வர்ர ஆக்ரோஷத்தப் பார்த்துட்டு வில்லன் க்ரூப் மட்டும் இல்ல சார் தியேட்டரே பயப்படுது சார். ஆனா சார் விதி வலியது சார். அந்த பாராசூட் நேரா நடு கடல்ல சார் விழுந்திடுது சார்.

அதுல பாருங்க சார் உங்களுக்கு ஒரு லக் சார்... பக்கத்தில டைட்டானிக் கப்பல் சார். நடுகடல்ல நாயர்கடையில சார்.... பேசஞ்சருக்கு "டீ" வாங்கி கொடுக்க நிக்குது சார்.
அதுல ஏறி சார் நீங்க தப்பிச்சிறீங்க சார். அங்க சார் உங்க ஹிரோயின் இருக்காங்க சார். அவுங்களோட அப்படியே ரோமான்ஸ் சார்...


அப்படியே கப்பல பொள்ளாச்சிக்கு விடுறோம் சார். ரோஸோட "தந்தன தந்தன தை மாசம்..."ன்னு ஒரு டூயட் சார். ரொம்ப டீசெண்டான பாட்டு சார்.

ஆனா பாருங்க சார் கப்பல் ஒரு பெரிய பனிகட்டியில இடிக்குது சார். எல்லோரும் தண்ணியில விழுந்திறாங்க சார். நீங்க சார் எல்லாரையும் காப்பாத்திறீங்க சார். ஆனா பாருங்க சார். ஒரு பெரிய பார்க்கவே பயமுறுத்துற இராட்சத திமிங்கலம் உங்க கிட்ட வருது சார்.

சத்தியமா இது திமிங்கலம் தான்

பக்கத்தில சுவரு வேற இல்ல சார். ஆனா நீங்க விடல சார். தண்ணில போட்றீங்க சார் ஒரு பெரிய பைட்டு.........விடுறீங்க சார் சைடுல ஒரு குத்து. அதுக்கு அப்படியே பொறி கலங்கி போகுது சார்.... அது கண்ணுக்கு அப்படியே மூணு மூணா தெரியிறீங்க சார்...அதுவும் போலீஸ் ட்ரெஸ்ல சார்.

அவ்வ்வ்

அப்படியே அத மன்னிச்சு விடுறீங்க சார். கரைக்கு போய் எல்லாரும் ட்ரெயினை புடிக்கிறீங்க சார்.

டிரெயின்1

அங்க ஃபுட்போட்ல வர்ர பசங்ககிட்ட சார் "இந்த மாதிரி தொங்கிட்டு வந்தா டிரைவருக்கு சைடி மிரர் மறைக்கும்"ன்னு அட்வைஸ் பண்றீங்க சார். உடனே அவுங்க திருந்தி உங்களுக்கு உதவியா வராங்க சார்.

ஒரு வயசான அம்மா இரயில்ல சார் கஷ்டப்பட்டு சுண்டல் வித்துட்டு வராங்க சார்.
அத பார்த்துட்டு உங்களுக்கு அப்படியே மனசு இளகி சார் ஐஞ்சு ரூவாய்க்கு சுண்டல் வாங்கி ஒண்டியா திங்கிறீங்க சார்.

அந்த வயசான அம்மா சார் உங்கள கட்டி பிடிச்சு சார் "எம்.ஜி.ஆருக்கு அப்புறம் நீ தான்ய்யா"ன்றாங்க சார், அங்க வைக்குறோம் சார் ஒரு பாட்டு.
இரெயிலே ஆடுது சார் உங்க பாட்டுக்கு.

ஆனா சார் பாட்டு முடிஞ்சுதுக்கப்பறம் தான் சார் தெரியுது வில்லன் க்ரூப் ஒரு சைடு தண்ட வாளத்தை உடைச்சுடாங்கன்னு.


இரயில் மேல ஏறி தாவுறீங்க சார் ஒரு தாவு...போறீங்க சார் அப்படியே டிரைவர் சீட்டுக்கு.... போய் தூக்குறீங்க சார் உங்க ஒரு கால.. நிக்கிறீங்க சார் ஒரு சைடு முட்டு கொடுத்து.
...உங்க வெயிட்டுக்கு சார் இரயிலே ஒரு சைடு சாயுது சார்.

டிரெயின்2

துண்டான ஒரு சைடு தண்டவாளத்தை இரயில் தாண்டுன உடனே வைக்கிறீங்க சார் இன்னொரு கால கீழ....


டிரெயின் 4

டிரெயின் முன்ன மாதிரி நேரா ஓடிடுது சார். அங்க வைக்குறோம் சார்ர்ர்ர்......

"போதும் தம்பி போதும்...நீங்க இது வரைக்கும் சொன்ன கதையிலேயே எனக்கு பிடிச்சு போச்சு இனிமே நேரா சூட்டிங் சார்...." கேப்டன் அந்தர்பல்டி அடிக்கிறார்.

"இல்ல சார் இப்ப இண்டர்வெல் வரைக்கும் தான் சார் வந்திருக்கோம் இன்னும் பாதி கதை இருக்கு சார்" என்றவுடன்

கேப்டன் "என்னது இன்னும் பாதி கதை இருக்காஆஆஆஆஅ" என்றபடி கேப்டன் மூர்ச்சையாகிறார்.....



டிஸ்கி1: இது காமெடிக்காக போட்ட பதிவென்பதால் அனிமேஷனில்(?) குத்தம் குறை இருந்தால் பொறுத்துக்கொள்ளவும்

டிஸ்கி2: பதிவுக்கான கரு ஜெயா டிவின் "உங்க ஏரியா உள்ள வாங்க" 



பேசாத பேச்செல்லாம்........

வள் இதுவரை என்னிடம் பேசவில்லை.

மிருதுவான அவள் கைப்பிடித்து அக்னியை மூன்று முறை சுற்றியபோது  கைகளில் அகப்பட்ட நாய்குட்டிப் போல,  கதகதப்பு பிடித்திருந்தாலும், திமிறுவது போல் இருந்தது. மனது குறுகுறுக்க, என்னைப் பார்க்கிறாளோ! என திரும்பினால் தலை தாழ்த்தி புன்னைகை செய்கிறாள். அவள் அழகானவள். தண்ணீரில் மிதக்க செய்து திசைகளை மறக்கச் செய்யும் அவள் கண்கள், காதோரம் வரை விழும் சுருள் முடி. குறும்புகளால் நிறைந்தவள். முதல்முறை பார்த்ததும் என்னவள் இவளே என்றேன் அம்மாவிடம்.

துவரை அவள் என்னிடம் பேசிய வார்த்தைகளைக் கோர்த்து அவளுக்கே மாலையாக போடலாம்.

முதலிரவில் எதிர்பார்த்தது போல் காலில் விழுந்தவளை கைப்பிடித்து எழுப்பும் போதே அவள் உடல் நடுங்குவதை உணர முடிந்தது. இரவின் குளிரும் காரணமாக இருந்திருக்கலாம் உள்ளிருந்து சமாதானமாக காமுகன் எடுத்துரைக்க, “என்னைப் பிடித்திருக்கிறதா?” என வினவிய போது, ”ம்” என்ற ஒற்றை பதில் சற்றே ஆறுதல் அளித்தது. கையை பிடித்தேன். அந்த கணம் குறும்புகளால் நிறைந்திருந்த கண்கள் (அல்லது எனக்கு அவ்வாறு தோன்றிய அவள் கண்கள்) குறும்புகள் மறைய  அவள் முகம் வியர்க்க, தண்ணீரிலிருந்து வெளியேறிய மீனை போல் தவித்தாள். காமுகனுக்கு சிகரெட்டின் புகையோடு ஆறுதல் கூற முயன்றேன்.  காமுகன் அன்றிரவு செத்துப் போனான்.

துவரை அவள் என்னிடம் பேசியது முழுதாக ஒரு பக்கம் கூட இருக்காது.

அடுத்தடுத்த இரண்டு நாட்களில் காமுகனோடு காமுகியும் சேர்ந்ததால் அவளுக்கும் என்னை பிடித்திருக்கிறது ஒரு விசயமே ஆறுதலாக அவள் பேச மறந்த வார்த்தைகளை மன்னித்தது. என் உடல் அலுவலகத்தில் இருக்கும் நேரம் அடுத்த வீடுகளில் இவள் பேசத் தொடங்கிளான் என்று, பக்கத்து வீட்டு ரமணியம்மா என்னிடம் ஒரு புத்தகத்தை கொடுத்து அவளிடம் கொடுக்க சொன்னபோது தான் தெரிந்தது.

துவரை அவள் என்னிடம் பேசியதை மனப்பாடமாக என்னால் ஐந்து நிமிடங்களுக்குள் ஒப்புவிக்க முடியும்.

ஒருமுறை மதியம் சாய்ந்து இரவை அழைத்த வேளை, பத்தையும் தாண்டாத வயதொத்த குழந்தைகளை தன் வசம் ஈர்த்து வட்டமடித்து அமர்த்தி வைத்திருந்தாள். கைகளை விரித்து பிரபஞ்சத்தை அளந்து, கைகளை கொண்டு பூமியை சுருக்கி பின்பு நீட்டி நிலவை இழுத்து, மிருகங்களை தன் சொல்படி ஆட்டுவித்து, மந்திரத்தால் ஆன ஒரு கதையை சொல்லிகொண்டிருந்தாள். வாலை சுருட்டி நானும் அமர்ந்த போது வெக்கட்த்தால் ஆன ஒரு அம்பை செலுத்திவிட்டு அகத்தே ஓடினாள். 

அன்றிரவு நாங்கள் தன்னை மறந்து, காமுகனும் காமுகியும் தன்னையுணர்ந்த நேரம் அவள்  என் பெயரை ”டா”வுடன் உச்சத்தில் உச்சரித்த போது, நான் விழித்து கொண்டு அதை கேட்டது அவளுக்கு தெரிந்திருக்கவில்லை. காலையில் காபியுடன் வந்தவளை என்னைச் செல்லமாக “போடா” என சொல்லுமாறு கேட்டவன்.... இன்று வரை கெஞ்சிக்கொண்டிருக்கிறேன். அவளும் கொஞ்சல் சிரிப்போடு உதட்டை சுழித்து ஒழுங்கு காட்டியவாறு செல்கிறாள்.

ந்த ஒரு மாதத்தில் அவள் பேசியவைகளை உள்ளங்கையில் மழைநீரைப் போல் சேர்த்துக் கொண்டிருந்தேன். அதுவும் நிரம்பி வழிந்து கொண்டே இருந்தது.

”ஏ என்ன சொன்ன? என்ன சொன்ன? திரும்ப சொல்லேன்.. ப்ளீஸ்.... திரும்ப சொல்லேன்” முகத்திலடிக்கும் எதிர் காற்றையும் மீறி அவள் பேசியது கேட்டபோது சந்தோஷத்தில் துள்ளித்தான் போனேன். அவள் சில நொடி மௌனத்திற்கு பிறகு திரும்பவும் “மெதுவா போயேன்டா” என்று காதை கடித்து அவள் கூறிய போது குழந்தையாக மாறிப் போனேன். ஆம் மாறித்தான் போனேன். பைக்கிலிருந்த கைப்பிடி தளர்ந்து தான் போனது. நிலைமை கைமீறி போவது எதிரே லாரி வருவதை கண்ட போது தான் உணர முடிந்தது....

அவள் பேசாமலேயே இருந்திருக்கலாம்.


 --------------------------------------------------------------------------------------------------------------
 மெசேஜ்: சாலை பாதுகாப்பு வாரத்தை (சனவரி1-7) முன்னிட்டு விழிப்புணர்வு பதிவிடுமாறு தோழி இயற்கை தொடர் பதிவுக்கு அழைத்ததிருந்தார். அவருக்கு  நன்றிகள்.

சாலைப் பாதுகாப்பு வாரத்தை(ஜனவரி 1-7) டிரைவிங்கில் நீங்கள் செய்யும் தவறுகளை மீள்பார்வை செய்யும் வாய்ப்பாகப் பயன்படுத்திக் கொள்ளுங்கள்‌.
சாலைப் பாதுகாப்புத் தெடர்பான இடுகைகளை எழுத கீழ்வரும் நண்பர்களை அழைக்கிறேன்.

காட்பாதர் இளையபல்லவன் (ஹி ஹி வரலாறு ஆசிரியராச்சே)
மாப்பி அதி பிரதாபன் (நோ எஸ்கேப்பு ஆமா....)
கழுகு கலையரன் (ஹி..ஹி)
தேவுடு கார்த்திகேயன் 
முதலாளியம்மா....ஐ மீன் சின்ன அம்மணி ஹி ஹி

எழுதிவிட்டு, நீங்களும் குறைந்தபட்சம் 5 பேரை அழைக்கலாம் .

ப‌ய‌ண‌த்தில் க‌வ‌ன‌மாயிருங்க‌ள்.விதிக‌ளை ம‌தியுங்க‌ள்.ம‌கிழ்வாய் வாழுங்க‌ள்.



 -----------------------------------------------------------------------------------------------------------------------------------
நன்றி: தமிழ்மண விருதிற்காக நகைச்சுவை & கார்டூன் பிரிவுலும், கதை & கவிதை பிரிவிலும் ஓட்டு போட்டு இரண்டாம் சுற்றுக்கு முன்னேற காரணமாய் இருந்த நண்பர்களுக்கு நன்றிகள். இனி இங்கே சென்று ஓட்டு போடுபவர்களுக்கும் என் நன்றிகள்.
Related Posts with Thumbnails